Avropalı ekspertlər avtomobil akkumulyatorunu məhv edən əsas səbəbin kəskin boşalma olduğu qənaətindədirlər. Söhbət doluluq dərəcəsinin 20 faizdən aşağı olmasından gedir. 

Batareyanın kəskin boşalmasının səbəbi elektron avadanlıqların mühərrik işləməsə belə, işini davam etdirməsidir. Digər səbəb qısamüddətli sürüşlərdir. Maşın gün ərzində 15 dəqiqədən az istismar edildikdə generator batareyanı tam doldurmağa imksan vermir. 

Akkumulyatorun istehsal tarixi də vacib amildir. 5-6 il istismardan sonra batareyaların lövhələri tədricən keyfiyyətini itirməyə başlayır. 

Müasir akkumulyatorlar təmirə yaramadığı üçün gücü azalmış detalı təzəsi ilə əvəzləmək lazımdır.