Almaniyanın Karlsrue şəhərindəki mülki işlər üzrə ali məhkəmə instansiyası "Volkswagen" konserninin məhsullarının istehlakçıları ilə konsern arasında yaranmış "dizelgeyt" çərçivəsində istehlakçılara təzminat ödənilməsinə dair mübahisədə onların haqlı olduğunu bildirib.

Almaniya Federal Məhkəmə Palatası "Volkswagen" konserninin dizel yanacağı ilə işləyən avtomobillərində proqram təminatının səhv olması nəticəsində işlənmiş qazların tərkibində zərərli maddələr olması barədə məlumatların təhrif olunmasını etiraf edib.