1. Mitsubishi 3000GT

90-cı illərdə Mitsubishi 3000GT modelində aktiv aerodinamik elementlərin görünməsi möcüzəyə bənzəyirdi. Avtomobilin ön və arxa spoylerləri hərəkət sürətindən asılı olaraq öz mövqelərini dəyişərək avtomobili yola sıxırdılar. Bu yenilik bütün müasir idman avtomobillərində istifadə olunur. Sıx dönmələrdə dayanıqlığı artıran arxa təkər itələyiciləri də müasir avtomobillərdə kifayət qədər geniş yayılmışdır.

 

2. Mercedes-Benz S-Class

Alman avtomobil nəhənginin flaqman seriyasının avtomobilləri, hər hansı digər marka ilə müqayisədə avtomobil dünyasına bəlkə də ən çox yenilik gətirən modellərdir. On ildən sonra hər bir layiqli modelin kütləvi istehsalına daxil olan yeniliklərdən yalnız bir neçəsini təqdim edirik: adaptiv kruiz-kontrol, bloklanmaya qarşı əyləc sistemi, təhlükəsizlik kəmərinin bərkidiciləri, dartma qüvvəsinə nəzarət, infraqırmızı gecə görmə sistemi. Çətin ki, Alman konserni bununla kifayətlənsin.

 

3. Aston Martin Lagonda

Əl ilə yığılan, o dövr üçün çox bahalı olan Lagonda sedanları o zamanlar dəbli iti bucaq üslubu ilə deyil, quraşdırılmış kompüter və rəqəmsal cihazlar paneli ilə yadda qaldı. Kompüter daim xarab olurdu və günəş işığı ona düşəndə ekranda heç nə oxumaq demək olar ki, mümkün deyildi. Ancaq indi təsəvvür etmək çətindir ki, bir avtomobil nə qədər aşağı büdcəli olmalıdır ki, bu texnologiyar həmin avtomobildə olmasın.

 

4. Porsche 959

Bu avtomobil siyahının qalan hissəsindən ona görə seçilir ki, o, adi “seriyalı buraxılış” avtomobili deyil. Əvvəlcə Ferrari-dən fərqli olaraq «Group B» rallisində iştirak etmək üçün yaradılmışdır. Porsche dünyaya onilliklər sonra kütləvi istehsala daxil olan üç yeniliyi nümayiş etdirdi: üç mövqedə tənzimlənən sürüş hündürlüyü, fırlanma anının bölüşdürülməsi ilə tam ötürücü və nəhayət, elektron təkər təzyiqi sensorları.

 

5. GM EV-1

Avtomobil nəhəngi General Motors-dan ilk kütləvi istehsal olunan elektrik avtomobili 90-cı illərin sonlarında buraxıldı. Bir dənə də olsun maşın satılmayıb. Şirkət avtomobilləri lizinq yolu ilə tədarük edirdi və sınaqlar başa çatdıqdan sonra onların hamısını geri qaytarmaq imkanı olmadan geri götürdü. Bir neçə maşın muzeylərdə saxlanılır, qalanları məhv edilib. Maliyyə nöqteyi-nəzərdən belə absurd qərarın niyə qəbul edildiyi bilinmir, amma 10 il sonra Tesla brendi estafeti götürdü və elektrokarların istehsalına başladılar. Artıq deyə bilərik ki, “EV-1” 20 ildən sonra lider ola biləcək avtomobil sənayesinin istiqamətini yaratdı.

 

6. Audi Quattro

Audi ralli yarışlarında tam ötürücülü idarəetmədən istifadə icazəsinə ilk uyğunlaşan şirkət oldu. Onlar tam ötürücülü Quattro buraxıldıqdan sonra iki il ardıcıl qalib gəldilər. Model tam ötürücülü idarəetmənin bütün üstünlüklərini göstərdi və indi bütün ralli yarış avtomobilləri Quattro sisteminə oxşar sistem ilə təchiz olunub.