Cənubi Koreyada 2 həftə əvvəl baş verən elektromobil yanğını bazarda ciddi təlaş yaradıb.  Avtosfer.az xəbər verir ki, İnçxon şəhərində çoxmərtəbəli binanın qarajında alışan avtomobil 140 maşının sıradan çıxmasına səbəb olub. Bina sakinlərinin də bir qismi tüstüdən zəhərlənib. Yanğınsöndürənlər alovu 1 sutkaya ram edə biliblər. 
Bu hadisədən sonra əhali elektromobilləri kütləvi şəkildə satmağa başlayıb. Modelindən asılı olaraq bazara təqdim edilən maşınların diymətində 12-30% arası ucuzlaşma baş verib.
Bu vəziyyəti fürsət bilən MDB ölkələrinin maşın alverçiləri Koreyaya üz tutublar. Belə bir müvəqqəti vəziyyətin Azərbaycan bazarına da təsir edəcəyi ehtimalı böyükdür.