"Boeing 787" və "Airbus A350" kimi təyyarələrə mühərrik tədarük edən Böyük Britaniyanın "Rolls-Royce" şirkəti 2020-ci ilin ilk yarısında 7,1 milyard dollardan çox itki ilə üzləşib.

Bu, şirkət tarixində rekord göstəricidir.

Şirkət koronavirus pandemiyası fonunda İngiltərənin Nottingemşir və Lankaşir qraflıqlarında iki zavodun bağlandığını elan edib.

Bundan başqa, şirkət bütün dünyada 9 min iş yerini və ya ümumi işçi sayının 17 faizini ixtisara salmaq planlarını açıqlayıb.
"Rolls-Royce" bu yolla ildə 1,59 milyard dollar vəsaitə qənaət etmək niyyətindədir.